नेपालका प्रदेश तथा स्थानीय तहमा लक्षित सामाजिक सुरक्षा तथा श्रमसम्बन्धी कार्यक्रमको सेवा प्रवाह प्रक्रिया

डेमोक्रेसी रिसोर्स सेन्टर नेपाल (डीआरसीएन) ले विश्व बैंकको आर्थिक तथा प्राविधिक सहयोगमा भदौ २०८२ – असार २०८३ को अवधिमा नेपालका प्रदेश तथा स्थानीय तहमा लक्षित सामाजिक सुरक्षा तथा श्रमसम्बन्धी कार्यक्रमको सेवा प्रवाह प्रक्रियाको आकलन एवं संस्थागत विश्लेषणसम्बन्धी अध्ययन गर्‍यो । अध्ययनले स्थानीय तहमा कार्यान्वयन हुने संघीय स्तरका कार्यक्रम, प्रदेशस्तरमा कार्यान्वयन हुने कार्यक्रम तथा स्थानीय तह आफैंले सुरु गरेका कार्यक्रम समेटेको थियो । यो विश्लेषणमा विस्तृत डेस्क समीक्षा तथा तीन प्रदेश र छ स्थानीय तहमा गरिएको स्थलगत अध्ययन समावेश छ, जसअन्तर्गत कार्यक्रम कार्यान्वयनलाई सहयोग वा अवरोध गर्ने संगठनात्मक संरचना, संस्थागत व्यवस्था, र राजनीतिक–आर्थिक पक्षहरूको मूल्यांकन गरिएको छ । अध्ययनले सामाजिक सुरक्षा क्षेत्रमा भएको खर्चको समीक्षा गर्दै लक्षित समूह पहिचान र कार्यक्रमका उपलब्धि जस्ता प्रशासनिक पक्षहरूको समेत विश्लेषण गरेको छ । समग्रमा यस अध्ययनले प्रदेश तथा स्थानीय तहमा लक्षित सामाजिक सुरक्षा तथा श्रमसम्बन्धी कार्यक्रमहरूको प्रभाव अभिवृद्धिका लागि थप एकीकृत र प्रभावकारी संरचना विकासतर्फ रणनीतिक सिफारिसहरू प्रस्तुत गर्दछ ।