डेमोक्रेसी रिसोर्स सेन्टर नेपाल (डीआरसीएन) वि.सं. २०७१ मा स्थापना भएको एक गैर–सरकारी, गैर–पक्षपाती तथा गैर–नाफामुखी संस्था हो । यस संस्थामा निर्वाचन अवलोकन, राजनीतिक प्रक्रिया र नीति अनुसन्धानका क्षेत्रमा राष्ट्रिय तथा अन्तर्राष्ट्रिय अनुभव भएका विज्ञहरूको सहभागिता रहेको छ ।

स्थापनाकालदेखि नै डीआरसीएनले नेपालको सामाजिक तथा राजनीतिक विषयका विविध पक्षमा अध्ययन र अनुसन्धान गर्दै आएको छ । विशेषगरी संघीयताको कार्यान्वयन, स्थानीय तहको पुनर्संरचना तथा निर्वाचन पर्यवेक्षण जस्ता नेपालको संक्रमणकालीन राजनीतिक परिदृश्यका महत्त्वपूर्ण पक्षहरूमा तथ्यमा आधारित अनुसन्धान गर्दै आएको छ । यी अध्ययनका नतिजाहरू सरोकारवालासँग प्रस्तुत गर्दै नीतिगत संवाद, बहस र छलफललाई प्रवर्द्धन गर्दै आएको छ, जसले नेपालको लोकतान्त्रिक अभ्यासलाई सुदृढ बनाउन योगदान पुर्‍याएको छ ।